Çarçewaya hemleya ''Rayber Apoyî rê azadîye, meseleya kurdan rê çareserîya sîyasîye'' de çalakîyî dewam kenê. Bajarê Strasbourgî û Bordeauxî yê Fransa de vizêr ciwanan tecrîdê serê Rayber Apoyî şermezar kerd û  azadîye ey waşte.

Strasbourg de serkêşîya Tevgera Ciwanên Şoreşger (TCŞ) û TEV-ÇANDî de çalakîya bêîteatîya sîvîle ameye kerdene. Ciwanan tranvayî vindarnayî û derheqê tecrîdê Îmraliyî de zanayîş da. Çalakîye sloganê sey “Bijî Serok Apo” , “Bijî Berxwedana Gerîla” , “Bijî Berxwedana Kobanê”  ameyî vatene.

Bordeaux de zî endamanê TCŞyî çarçewaya Hemleya Azadîye de tecrîdê serê Rayber Apoyî protesto kerd. Ciwanan şehîdî Asya Ali û Rojger Hêlîn zî yad kerdî ke Anqara de çalakîya fedayîye kerde.

Ciwanî bi slogananê “Bijî Serok APO”, “Bijî Berxwedana Gerîla” û “Bijî Berxwedana Rojava” rayra şiyî. Badê rayraşîyayîşî eşkerayîye ameye dayene. Ciwanan vat ganî pêro ciwanî têkoşînê Rayber Apoyî esas bigîrê û her roje her ca de vejîye meydanan.