Atina û Marsilya de sûcê şerî yê dewleta tirke ya îşxalkere ameyî teşhîrkerdene.

Endamanê Têgêrayîşê Ciwananê Şorişgêran (TCŞ) paytextê Yunanîstanî Atina de bi pankartan tecrîdê vera Rayberê Şarê Kurdî Abdullah Ocalanî û hêrişê îşxalî yê dewleta tirke şermezar kerdî.  Ciwanan pankartê bi nuşteyê 'Wa tecrîd biqedo, Abdullah Ocalanî rê azadîye', 'Wa îşxalê vera Herêmanê Pawitişî yê Medya biqedo, çekanê kîmyewîyan rê ney' daliqnayî.  

Şaristanê Marsilya yê Fransa de çarçewa çalakîyanê NCDKyî de kuçeyan de afîşê serê tecrîdî, hêrişanê îşxalî, Peymana Lozanî, ronîyayîşê PKKyî û Komployê Mîyanneteweyî ameyî daliqnayene û derheqê nê babetan de vîdeoyêk zî ame mojnayene.