Vervatoxa HDPyî Ebru Gunay merkezê partîye de eşkerayîyêke daye çapemenîye.

Gunaye bale ante grevê vêşanîye yê zîndanan ser ke 141 rojî yo dewam keno û vat: ''Seba ke meseleyê asanî bêrê çareserkerdene xeylêk zîndanan de bi hezaran tepişteyî grevê vêşanîye de yê. Hînî nê welatî de rayîrê heq, huqûq û edaletî grevê vêşanîye yo. Waştişî wazenê tecrîdê vera Birêz Ocalanî bêro wedaritene. Tecrîdo ke vera merdimîye yo hînî hêdî hêdî bîyo rengê îdareyê welatî.

Herinda ke waştişê heqdarî yê tepişteyan bêrê caardene vernîyazî yeenê rojdem û tepişteyan rê grev yeno ferzkerdene. Îmrali de nêke avûkatî nêeşkenê pêvînayîş bikerê destûr nêdîyeno ke kayê pêvînayîşî zî bêro kaykerdene. Ma tecrubeyê grevê vêşanîye yê parinî xo vîr a nêkerdî. Seba ke reyna dejê pîlî nêrê antene ganî cade pêvînayîşî bêrê kerdene. Ganî tepişteyê nêweşî bêrê veradayene.''