Ramazan Karataşo ke Zîndanê Eregliyî yê Konya de 31 serrî yo yeno tepiştene, tehlîyeya ci reya 4ine hetê Heyetê Îdare û Çimdarî yê Zîndanî ra  ameye peydeeştene.

Karataşo ke serra 1993yî de cezaya muebetî dîyaye ci zîndanê Erzirom, Trabzon, Mûş, Îstanbul û Balikesirî de mend. Karataş 3 serrî yo Zîndanê Qefilnayeyî yê Eregliyî de yeno tepiştene.

Teblîgato ke Karataşî rê ame şawitene tede yeno vatene ke seba ke û poşman nêbîye û pabesteyê rêxistine yo tehlîyeya ci 9 mengî ameye peydeeştene.

Heyetê Îdare û Çimdarî verî zî bi eynî sebebî 2 reyî 6 mengî û rayêke zî  3 mengî tehlîyeya Karataşî peyde eştbî.