Çarçewa tehqîqatê serebûtê Narîne Guran de 22 kesî vizêr seba îfadeyan sewqê Edlîyeya Amedî ameybî kerdene. Dadî, babî, di birayî û 3 apê Narîne zî tede 22 kesan qasê 12 saetan îfade da.

Îfadeyan ra dima babîyê Narîne Arîf Guran zî tede 10 kesî vera dîyayî la dadî û bira Enes Guran zî tede 9 kesî zî bi waştişê tepiştişî erşawîyayî mehkeme.

Dadî û bira bi sebebê ''beşdarê sûcê kiştişî bîyê'', dezayê Narîne Muhammet Kaya  û Bîrsen Guran, xala ci Maşallahe Guran, karkerî Salîm Guran, Mehmet Salîm Atasoy, Ramazan Atasoy û mêrdeyê xale Mehmet Şevkî Kaya bi sebebê ''hetkarîya sûcî kerda, delîlî çin kerdê'' û ap Fuat Guran bi sebebê ''delîlê sûcî çin kerdê'' sewqê edlîyeyî ameyî kerdene.