Semedê Denîze Poyraza ke hêrişê vera rêxiristana Partîya Demokratîke ya Şaran (HDP) ya Îzmîrî de ameye qetilkerdene, tehzîye ameye ronayene.

Poyraza ke vizêr ameye definkerdene tehzîyeya ci Temsîlkarîya HDPyî ya Çîmentepe ya qezaya Konakî ya îzmîrî de ameye ronayene.  Cayê tehzîye de fotografê Denîze û dovîzo ke serê ci de ''Ma soz danê Denîze do haştîye bêro'' nuşteyo ameyî daliqnayene. Pîya bi dayîke Fehîme Poyraz û babî Abdullah Poyraz wekîle HDPyî, hemserekê partîye û partîyijî tehzîye de ca genê. Şar saetanê serê sibayî ra semedê serweşîye yeno.