Endamê Komîteya Rayberdişî ya HBDHyî Tekîn Yoldaşî bi wesîleya serrgêra 8ine ya ronîyayîşê HBDHyî qisey kerd. 

Yoldaşî vist vîrî ke Têgerayîşê Şorişgêrî yê Yewbîyayeyî yê Şaran 12ê adara 2016î de Herêmanê Pawitişî yê Medya de ronîyayîşê xo îlan kerdo. Yoldaşî vat: ''Nê 8 serran de hêzanê ma têkoşînêko pîl kerd, mîyanê komelî de û koyan de rolê girîngî ardî ca. Ma kokê xo tradîsyonê  têkoşînê Denîz, Mahîr, Îbrahîman ra gênê. Ma do vera her tewirê hêriş û tedayan tim têkoşîn bikerê.

Ma armanc kenê ke hêrişanê faşîzmê AKP-MHPyî, hêrişê vera erdê Kurdîstanî û polîtîkayanê vera şaranê Tirkîya çin bikerê. Serra 9ine de şîarê ma 'Rijnayîşê Faşîzmî, Destvistişê Azadîye' yo. Serra 9ine de armancê ma servistişê têkoşînî yo. Têkoşînê Ûlaş Bayraktaroglu, Ulaş Adali, Baran Serhed, Delal Amed, Nûbar Ozanyan û xeylêke embazanê ma têkoşînê hemparî de bîyî yew. Ma do tim wayîrê xeyalanê şehîdanê xo vejîyê. Ma venga pêro şaran û ciwanan danê ke tewrê têkoşînê Şorişê Yewbîyayeyî bibê. Mîyanê refanê HBDHyî de xo rêxistin bikerê û hesab bipersê.''