Zîndanê Tekîrdagî de dima ke Vedat Erkmen 19ê kanûne de bi hawayêkê şikdarî dinyaya xo bedilnaye panc tepişteyan Mehmet Suleyman Ûcakan, Tûrhan Îlbaş, Huseyîn Karadaş, Habîb Guler û Ahmet Arîf Yoylerî 17ê çeleyî de dest pê grevê vêşanîye kerdbi.

Şahabettîn Ogut û di tepişteyê bînî zî tewrê grevê vêşanîye bîyî. Hûmara tepişteyanê grevî bîye 8. Tepişteyî wazenê peynîya binpaykerdişê heqanê merdiman û kerdişanê keyfîyan bêra ardene.

Tepişteyanê sîyasîyan ê grevî ra Mehmet Suleyman Ucakanî keyeyê xo de bi telefonî qisey kerd û înan rê vat: ''Hewceyê ma bi sol, şeker û lîmonî estê. Her reye yewê ci kêm kenê.''

Ucakanî ard ziwan ke gardîyenê erzenê koxûşanê înan ser, cigêrayîşê rûtî kenê û dest nanê eşyayanê înan ser.