Temelî da zanayene ke bi hezaran zerrîwazan û xeyrwazan bi fedakarîyêka girde hewl danê ke birananê mexdûranê erdlerzî bipêşê û bi hezaran endamanê înan ê zerrîwazan Wan, Mûş, Amed, Batman û Mardîn ra xo resnayo herêmanê erdlerzî û hetkarîya şarê xo kenê. 

Temelî ard ziwan ke, îqtîdarî, mexdûrê erdlerzî binê xirban de verdayî terkê qederê xo kerdî û vat, ‘‘Kêmanîya dewlete kerd ke qurbanê erdlerzî û birîndarî hende vêşî bibê. Eke se ra yew ê hêzê dewlete ma de bîyêne, ewro bîlanço hende giran nêbîyêne. Êyê ke gere nameyê dewlete ser o bixebitîyayêne, vernîya her kesî nê bajaranê erdlerzî terknayî. No îqtîdar şarê xo binê xirban de verda û rema. La şarê ma yo cefakar bi ruhê seferberîye bî yew û birînanê mexdûranê erdlerzî pêşeno.’’