Serekwekîlanê Gruba DEM Partî Gulîstane Kiliç Koçyîgît û Sezaî Temellîyî Meclîs de cewab da muxabîran. 

Temellîyî persê serê Qanûnê Bingeyî yê neweyî ser o vat: ''Meclîs nika nêeşkeno nîqaşanê serê Qanûnê Bingeyî bikero.''

Temellîyî bale ante rewşa dezgehanê muhamekerdişî ser û pare kerd ke ganî bêedaletîya ke Dewaya Kobanê de ameya kerdene bi îradeyê Meclîsî bêra astengkerdene.

Serekwekîlan rê persê 'Vajîyeno ke mabênê Qendîl û Îmraliyî de trafîkê telefonan est o. Şima nê prosesî de kamca de yê' ame persekerdene. Temellîyî wina cewab da: ''Xebera ma çin a ke pêvînayîşêk ameyo kerdene yan ney. La eke prosesê çareserîye dest pêbikero muxatabê ci Îmrali de yo. Muxatabo diyîn Meclîs o. Eke çîyo winayên biqewimîyo sey DEM Partî ma do mesuldarîya xo bîyarê ca û muxatabîye bikero.''

Gulîstane vist vîrî ke Erdogan nêeşkeno ancî bibo serekkomar û vat: ''DEM Partî do rayîr nêda ke rejîmo otorîter bêro awankerdene.''

Gulîstane bale ante rewşa tepişteyan ser û vat: ''Reformêko pîl lazim o.''