Temsîlkarîya Îdareyê Xoserî ya Ewropa eşkerayîyêka nuştekîye weşane. Eşkerayîye de hêrişê barbarî yê dewleta Tirkî ya îşxalkare ameyî vîrvistene ke zafê sivîlî kişt û qirkerdişî kerd.

Eşkerayîye wina ya:

"Rîyê hêrişanê deleta Tirkî ya îşxalkare ra 200 sivîlî şehîd bîyî û bi seyan sivîlî birîndar bîyî. Zafê kesî zî neçar mendî ke keyeyanê xo biteriknê. Hêrişanê îşxalkaranê ke dimayê qedînayîşê DAÎŞ'î dest pêkerd, seba naye ra  dewleta Tirkî wazena xeyalê xo yê Osmanî ca bîyare û demografîyê herême bivurne. Wezîfêyê ma yê pêroyînan no yo ke nê proseso tehlûkeyên û tenik de wa her kes wezîfeyê xo bîyaro ca. Ganî pêroyê dezgehî, partîyî û rêxistinî nakokîyanê mabênê xo bidê kişta û verba îşxalkarîya dewleta Tirkî bibê yew.

Na çarçeweye de bi nameyê Temsîlkarîya Îdareyê Xoserî ya Vakur û Rojakewtena Sûrîye ma veng danê ke QSD'yî reyde verba dewleta Tirkî ya îşxalkare xo ver bidê. Ma veng danê ke şaristananê Ewropa de rayraşîyayîş û çalakîye bikê."