Zîndanê Metrîsî de tepişteyo nêweşê giranî Turgay Denîz ame qetilkerdene ke keyeyanê tepişteyan waştêne ke cade o bêro veradayene.

Turgay Denîz (39)o ke vera nêdîya seba ke zîndan de rewşa ci bîye girane wedarîya Nêweşxaneyê Nêweşîyanê Sineyî yê Yedîkule. Denîzî nêweşxane de dinyaya xo bedilnaye.

Denîzo ke qezaya Motkî ya Bedlîsî ra bi, 2018 de tepişîya.  Denîz de tuberkuloz, lezyonê pişike estbî û pê tupê nefesî eşkayêne nefes bigêro. Rixmo ke Nêweşxaneyê Sereyyapaşayî yê Îstanbulî raporê ''nêeşkeno zîndan de bimano'' dabi ci o vera nêdîya.