Mehmet Emin Ersoy 1994 de Îdir de ame destbendkerdene  û Mehkemeya Asayîşî ya Dewleta  (DGM) de ame muhakemekerdene û bi îdîaya ''xeripnayîşê yewîya dewlete'' cezaya muebedî dîyaye ci. Mehmet Emin Ersoy badê 30 serran Zîndanê Tîpê Fyî yê Tekîrdagî ra ame tehlîyekerdene.

Pîya bi merdimanê Ersoyî xeylêk kesî verê zîndanî de şîyî verê Ersoyî. Ersoyî ke tîya qisey kerd wina vat: ''Heta ke heme tepişteyê sîyasîyî tehlîye mebê ez zî azad nîya. Teber zî sey qûtîya qefilnayîye yo. Seba ke azadîye bêra hîskerdene ganî heme embazê ma bêrê veradayene. Têna wina ma eşkenê azadîye hîsbikerê. Ganî çend embazê mi pîya bi tehlîye bibîyênî. Înan ra tehlîyeya Ahmet Kaan Aslanî 3 mengî ameye peydeeştene. Ganî rayrapêroyî semedê embazanê ma yê tepişteyan dahîna hîsgêr bo.''

Mehmet Emin Ersoy û merdimê ci ver memleketê ci Îdirî kewtî rayîr.