Hatîce Yildiza 75 serre Zîndanê Bakirkoyî de tepişîyena. Hatîce Yildiza ke tede xeylêk nêweşîyî est ê, rewşa ci bena xirabêr.

Lajê Hatîce Alper Yildiz 13ê nîsane de şi pêvînayîşî û ard ziwan ke wexto ke dadîya ci vejîyaya warê hewadarîye hişê ci şîyo.

Alper Yildizî vat: ''Roja îneyî wexto ke dadîya mi vejîyaya warê hewadarîye xo ra şîya. Verê cû zî a wina bîya. Paştîya dadîya mi tim dejena û ganî a tira amelîyat biba. Aye de tansîyono berz est o coka tim xo ra şina. Wexto ke a xo ra şina cade nêna berdene bi revîrî. Dadîya mi nêeşkena zîndan de bimana. Coka ez wazena ke wa a vera bidîya.''