Tepişteyê Zîndanê Kirşehîrî Necdet Ozturkî bi rayîrê telefonî keyeyê xo de qisey kerd.

Ozturkî keyeyê xo rê qalê ci kerd ke heqê tepişteyan yenê binpaykerdene û asayîşê ganê înan nêmendo. Ozturkî hewteyêkî verê cû zî keyeyê xo rê dabi zanayene ke tepişteyan vera binpaykerdişê heqan dest pê çalakîya vengvetişî kerda, sloganê vatê.

Ozturkî bi rayîrê keyeyê xo ard ziwan ke eke çîyêko xirab bêro sereyê înan mesuldarê ci îdaereyê zîndanî yo. Ozturkî vat: ''Rixmo ke cezaya muebede dîyaya mi Wezîrîya Edaletî, Meclîs û Qanûno Bingeyî heqanê mi danê la ez nêeşkena nê heqan ra îstîfade bikera. Wa hayîya her kesî ney ra biba.''