Zîndanê Şakranî yê Îzmîrî de 6 tepişteyê ke  waşt ke koxûşê xo bivurnê hetê gardîyanan ra ameyî derbkerdene. Bedenê tepişteyan de morî û birînî estê.

Tepişteyan ra Bariş Îldemî pê telefonî birazîyê xo Kadîr Suerî rê qala îşkenceyî kerde. Suerî pare kerd ke çare û baskanê Îldemî masayî, asteyê ci tira vejîyayî û nêeşkeno qisey bikero. Suerî îfade kerd ke rewşa tepişteyan ê bînan zî weş nîya. Suerî eşkera kerd ke gardîyanan zor da tepişteyan de vajê  'Weş bê êyê ke xo rê vanê tirk.'

Suerî vat: ''La tepişteyan no vatiş qebul nêkerdo. Dima zî reyna ameyî derbkerdene.'' Goreyê vatişanê Îldemî tepişteyî bi zorî kincê xo vetî û bi hawayêkê zûtî ameyî derbkerdene la sewqê nêweşxaneyî nêbîyî.  Nika 13 tepişteyî koxûşê 3 kesan de yenê vindartene.

Suerî ard ziwan ke xalê ci aşmêke ra verî sewqê nêwşxane bi la hetê cendirmeyan ra ame derbkerdene.

Avûkatê Îldemî Suat Çetînkayayî pê hesna ke ê do gerreyê zîndanî bikerê.