Mahîr Ada 2014 de wexto ke Zanîngehê ODTUyî de wendêne bi îdîaya 'endamîya rêxistine' tepişîya û cezaya zîndanî ya 12 serran dîyaye ci. Ada Zîndanê Bunyanî yê Kayserî de tepişîyeno. Dadîya Mahîr Atayî Yetere Ada derheqê binpaykerdişanê heqanê vera tepişteyan de Ajansê Mezopotamya rê qisey kerd.

Yetere Ada vat: ''Lajê mi vat ke gardîyanan înan ra waşt ke wa sey leşkeran sereyê sibayî û şanî marşê Îstîklalî biwanê. Seba ke tepişteyî vera ney vejîyayî gardîyanan ê erdî ra kaş kerdî û da înan ro. Lajê min vat koxûş de seke Darbeya 12ê Êlule esta.''

Mahîr Adayî dadîya xo rê dayo zanayene ke tepişteyan rê cigêrayîşo rût yeno ferzkerdene, kitab û kincî nêdîyenê înan, koxûşanê 4 kesan de 14 tepişteyî manenê, tepişteyan rê cezaya hucreyî dîyena, heqê înan ê pêvînayîşî yeno astengkerdene. û tepişteyanê nêweşan rê teda yena kerdene.  

Dayîke Yetere Ada waşt ke wa tedayê vera tepişteyan biqedê.