Tepişteyanê Zîndanê Kirşehîrî vera teda û zorbazîyan dest pê grevê vêşanîye yê bêdem-bêagêrayîşî kerd. Avûkatanê Komeleya Huqûqnasan a Seba Azadîye (OHD) pare kerd ke derheqê destpêkerdişê grevê vêşanîye de keyeyanê tepişteyan rê zanayîş nêdîya.

Goreyê zanayîşanê ke avûkatan dayê 19ê gulane ra nata her hîrê rojan de tepişteyêkî dest pê grevê vêşanîye kerd. Avûkat û endamê Komeleya Heqanê Merdiman (ÎHD) 1ê hezîrane de do şorê zîndan û tepişteyan bivînê.

Avûkatan prosesê pandemîye de derheqê Zîndanê Kirşehîrî de raporêk amade kerbi û  binpaykerdişê heqan dabi zanayene. Goreyê raporî tepişteyî pey ra yenê kelemçekerdene, înan rê gef yeno wendene, heqaret yeno kerdene û hûmaritişê payan ser yeno ferzkerdene.