Denîze Kaya bi wesîleya serrgêra Komployê Mîyanneteweyîyî nameyê tepişteyanê dewaya PKK û PAJKî ser o eşkerayîyêke daye.

Eşkerayîye wina ya:

''Ma serrgêra ci de Komployê 15ê Sibate û pêro hêzanê komplogeran şermezar kenê. Sey tepişteyan ma pare kenê ke serra 26ine de seba azadîya Rayber Apoyî xoverdayîş û têkoşînê xo berzêr bikerê. Ma şexsê şehîdanê 'Şima nêeşkenê tîja ma tarî bikerê' de pêro şehîdanê xo bi rêz û minetî yad kenê.

Rayber Apoyî bi xoverdayîşê xo yê Îmraliyî nê 25 serran de hem hêzê komplogerî bin vistî hem zî bi Manîfestoyê Komelê Demokratîkî sere de şarê kurdî pêro şarî weriznayî payan ser. Ma sey tepişteyanê dewayab PKK û PAJKî 27ê teşrîna peyêne de seba azadîya Rayberîye xo dest pê grevê vêşanîye kerd. Ma Rayraşîyayîşê Azadîye yê Pîlî, Nobetanê Edaletî û pêro çalakîyanê seba azadîya Rayberîye selam kenê. Ma venga pêro şarê ma, keyeyanê tepişteyan, merdimanê wayîrwijdanan û sosyalîstan danê ke wayîrê grevê ma vejîyê. Ma xoverdayîşê gerîlayan selam kenê û dîyar kenê ke bi hêzê xoverdayîşê koyan têkoşînê o kenê pîlêr. 

Îqtîdarê şefanê faşîstan ê dewleta tirke Bahçelî û Erdoganî her ke şino lerzeno û keweno war. Şîarê 'Rayber Apoyî rê Azadîye' nê îqtîdarê zorbazî ho bin keno. 25 serrî yo Rayber Apo vera polîtîkayanê tecrîd, îzolasyon û teslîmgirewtişî xo ver dano û xoverdayîşê ci vilayê pêro cayan beno. Ma kenê ke heqê 'embazîya kême' ra bêrê û bibê layîqê embazîya Rayberîye. Nê esasî ser o têkoşînê ma dewam keno.  Ma sere de cinî û ciwanî venga pêro şarê ma, demokratan-sosyalîstan, kedkar û karkeran, nuştox û hunermendan danê ke vera raştîya Komployê Mîyanneteweyîyî têkoşînêkê hîna radîkal û qerardarî bikerê û seba azadîya Rayber Apoyî asta berze de xo ver bidê.

Ma ancî mîmarê xoverdayîşê Îmraliyî Rayber Apoyî selam kenê. Ma hêzanê komplogeran nalet kenê û şehîdanê azadîye bi minet û rêzî yad kenê. Ma soz danê ke armancanê şehîdanê xo bîyarê ca.''