Zîndanê Antalya ra tepişte Harun Olmezî pê telefonî keyeyê xo reyde qisey kerd û qala binpaykerdişanê heqan kerde.

Olmezo ke 7 mengî verî Tîpê Lyî ra surgunê Tîpê Syî amebi kerdene îfade kerd ke roja verêne ra nata ê maruzê binpaykerdişan manenê û îdareyê zîndanî herinda ke meseleyan çareser bikero zêdîneno. Olmazî vat: ''Îdareyî waşt ke ma verê înan de pay ra vinderê.''

Olmezî da zanayene ke îdareyî têna 30 deqayan danê seba pêvînayîşî, gramajê nanan şenik o, ceyranê înan ameyo birnayene û tehlîyeyê înan yeno astengkerdene. Olmezî bi rayîrê kekê xo Melîk Olmezî venga rayaumûmîye da ke seba tepişteyan têbigêra.

Melîk Olmezî pare kerd ke kêmîya îmkananê madîyan ra ê nêeşkenê Şirnexî ra şorê Antalya û ard ziwan ke ganî binpaykerdişê heqan biqedê.