Merdimê tepişteyanê ke Zîndanê Cinîyan ê Sîncanî de qicê xo zîyaret kerdî bale ante binpaykerdişê heqanê tepişteyan ser.

Keyeyan ard ziwan ke  nêweşî rîyê nêweşîya Korona ra sewqê nêweşxan nêbenê û waşt ke wa cede sewqê nêweşanê giranan bêrê kerdene. Ame vatene ke tepişteyan ra Pinare Timtimka ka mezgê ci de Anakroid kist est o û ganî tim kontrolê doktoran de bo bi bahaneyê Korona sewqê nêweşxaneyî nêbena. Reyna xeylêk nêweşê wina giran estê rixmê nêweşîya înan nînê tedawîkerdene. Keyeyan da zanayene ke tepişteyê ke nêweşîye înanê kornîk estî zî waştişê înan hetê îdareyê zîndanî ra yenê redkerdene. Tepişteya bi nameyê Gulşene Adeta ke romatîzmaya ci esta çimeyo nedayêne de yena tepiştene û rixmê muracatê ci cayê ci nîno bedilnayene.