Tepişteyan grevê vêşanîye xoverdayîş temam kerd û bire daye ke pêvînayîşanê telefon û akerdeyan nêkerê. Tepişteyan vat: ''Ma resayî safhayêka newîye. Ma venga pêro şarê xo danê ke xoverdayîşî pîlêr bikerê.''
Tepişteyanê dewaya PKK û PAJKî derheqê grevê vêşanîye de eşkerayîyêke daye.
Eşkerayîye wina ya:
''Bi şîarê 'Rayber Apoyî rê Azadîye, Meseleya Kurdan rê Çareserîye' 27ê teşrîna peyêne de grevê vêşanîye dîyabi destpêkerdene. Ma do 4ê nîsane de, rojbîyayîşê Rayber Apoyî de çalakîya xo ya grevî bikirişê safhayêka bîne. Ma do nêvejîyê verê mehkemeyanê faşîstan, zîyaretanê keyeyan û pêvînayîşanê telefonî qebul nêkerê. Wa keye û şarê ma bizanê ke ma do bi bira xo nêvejîyê telefonan û zîyaretan.
Şarê ma weçînayîşan de serkewtişê pîlî vistî destî. La îqtîdarê AKP-MHPyî waşt ke vera îradeyê şarê ma darbe bikero. Sere de şarê ma yê Wanî ma venga şarê ma yê Serhad û Botanî danê ke têkoşînê xo pîlêr bikero.
Ma do 4ê nîsane de grevê vêşanîye biqedînê. Ma rojbîyayîşê Rayber Apoyî şehîdanê ma rê, gerîlayanê fedakaran rê, şarê ma û şaran rê fîraz kenê. 4ê nîsane ra dima bi şîarê 'Rayberîye reyde heman şertanê ci de ciwîyayîş' ma do nêşorê pêvînayîşanê akerde û telefonî û verê mehkemeyan.
Ma venga pêro şaran danê ke wayîrê xeta ma ya xoverdayîş û azadîye vejîyê.''
