Zîndanê Ereglî yê Konya de tepişteyê ke grevê vêşanîye kenê hucreyê yewkesî de ameyî cakerdene.

Zîndanê Ereglî de tepişteyan vera binpaykerdişê heqan û tecrîdê giranî 4ê teşrîna verêne de dest pê grevê vêşanîye kerd û 16ê teşrîna peyêne de zî grev vurna grecê vêşanîye yo bêdor û bêdem. 

Tepişteyan ra Mehmet Can Yîgerî keyeyê xo de pê telefonî qisey kerd û wina vat: ''Rewşa tay embazanê ma bîye xirabe. Vera binpaykerdişê heqan têkoşînê ma yê grevê vêşanîye beno pîlêr. Îdareyê zîndanî nêverdeno ma bi kurdkî qisey bikerê û selamî bidê yewbînan. Îdare keno ke ma bi temamî îzole bikero. Îdare nika zî tepişteyanê grevî qetanê cîyayan de û hucreyê yewkesî de tepişeno. Ma nika nêeşkenê çewî bivînê û bieşnawê. Nê hucreyî înşeat bîyî. Îdareyî pê ma nê hucreyî pakî kerdî û ma dekerdî nê hucreyan. Eke çîyêk bêro ma sereyî no îdare mesuldarê ci yo.''