Nê rojanê ke HDPyî cigêrayîşo rut fînayo rojdem û îqtîdar nayî red keno de tepişteyêkî seba ke cigêrayîşo rut red kerd ame derbkerdene.

Tepişte Tarik Karo ke Zîndanê Amedî ra sugunê Zîndanê Kandira yê Kocaelî bi raştê cigêrayîşê rutî ame. Dekewtişê zîndanî de gardîyanan waşt ke Kar xo rut bikero û seba ke Karî no qebul nêkerd hetê gardîyayan ra ame derbkerdene.

Karî bi rayîrê telefonî keyeyê xo xeberdar kerd. Keyeyî vat: ''Karo ke zaf nêweşîyê ci estî, dermanê ey znêdîyenî ci. Reyna çî-mî yo ke Amed ra tewrê xo berdo zî nêdîya ci. Seba ke cigêrayîşo rut qebul nêkerd ame derbkerdene û 15 rojî hucre de gerîya binê karantîna.  Seba ke heqê ey ameyî binpaykerdene Karî dest pê grevê vêşanîye kerd.''