Tepişteyê ke raştê îşkenceyê girêyê xozî bîyê, ameyî sewqkerdene
Zîndanê Patnosî de vera cinîyan ê tepişteyan îşkenceyê girêyê xozî amebi kerdene. Nê cinîyê tepişteyî sewqê zîndananê cîyayan ameyî kerdene.
Zîndanê Patnosî yê Agirî de 31ê tebaxe de cinîyan ê tepişteyan Mizgîne Kayitbey û Lale Kabişen rê îşkenceyê girêyê xozî amebi kerdene. Mizgîne Kayitbey surgunê Zîndanê Kayserî û Lale Kabîşen zî surgunê Zîndanê Tarsusî ameye kerdene.
Şubeyê Wanî yê ÎHDyî derheqê îşkenceyê barbarî de raporêk amade kerdbi û dîyar kerdbi ke mesuldarê nê îşkenceyî îdareyê zîndanî yo.
Mizgîne Kayitbey û Lale Kabişen pare kerdbi ke qasê 40 gardîyanan 40 deqayan îşkenceyê înan kerdo, dima 4 saetan bi metodê 'girêyê xozî' ê girê dayê û oda de vindarnayê.
