Tepişteyê nêweşî Abdullah Eceyî dinyaya xo bedilnaye

Tepişteyê nêweşî Abdullah Eceyî rîyê nêweşîya Korona ra dinyaya xo bedilnaye.

Tepişteyo nêweş Abdullah Ece (73) yo ke Zîndanê Qefilnayeyî yê Kiriklarî yê Bucaya Îzmîrî de ameyêne tepiştene rîyê nêweşîya Korona ra dinyaya xo bedilnaye.

Ece 5ê nîsane de pê vîrusê Korona nêweş kewt. Bado ke rewşa ci bîye girane ame berdene nêweşxane. Abdullah Eceyî ewro serê sibayî dinyaya xo bedilnaye. Keyeyê Eceyî vat o 18ê nîsane ra nata unîteya ciewnîyayîşê giranî yê Nêweşxaneyê Dewlete yê Çigli de tedawî dîyêne.

Seba ke serrêke ra kêmî cezaya Eceyî menda ganî par bişertî biamêyene veradayene la rixmê raporê halê holî yê zîndanî Heyetê Îdarî û Çimdarî o vera nêda.

Cenazaya Eceyî do dewa ci Bena ya qexaya Basanî ya Şirnexî de bêro definkerdene.