Denîze Kaya nameyê tepişteyanê dewaya PKK û PAJKî ser o bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî eşkerayîyêke daye.

Eşkerayîye wina ya:

''Ewro serrgêra 23. ya Komployê Mîyanneteweyî ya. Esaretê Rayberîye serra 23. qedînaye û keweno serra 24. 9ê teşrîna verêne ya 1998î de hêzanê komplogeran vera Sûrîye teda kerd û Rayberîye rê ferz kerd ke bi lezî Sûrîye ra vejîyo. Hedefo verên ê komployî îmhaaya Rayberîye bi la tewir û xoverdayîşê Rayberîye komplo pûç kerd, verê îmha girewt.

Mabênê 9ê teşrîna verêne ya 1998î û 15ê sibata 1999î de Rayberîye mabênê Atîna, Moskova, Roma û reyna Moskova û Tacîkîstanî de û tewr peyên Girawa Korfuyî ya Yunanîstanî ra ameye remnaye paytextê Kenya Nairobi. Tay hetê komployî eşkera bibê zî hema zî tay hetê ci yê bînî eşkera nêbîyî. Xêrê xebatanê Rayberîye ra armanc û hedefê komplogeran û hetê ci yê polîtîk û tarîxîyî roşnî bîyê.

Eşkera yo ke hêrişî do bizêdîyê û vera ney ganî rêxistinîye, xoverdayîş û têkoşîn zî do bêrê berzkerdene. Wextê hemleyan ameyo. Yew eleqeyê tecrîdê mutleqî bi Planê Çokdayîşî esto. Dişmen wazeno hem Rayberîye çin bikero hem zî PKK zî tede şarê kurdî bêteref verdo û hêvîya kurdan bişikno. La hema zî dişmen PKK û raştîya Rayberîye nêşinasnaya. 

Rayberîye 23 serrî yo binê esaretê dişmenî de ya û 24 saetan ey teqîb kenê. Qaşo wazenê qelsîyanê ci bivînê û uca ra hêrişê ci bikerê. La no famkerdişê Rayberîye ra dûrî yo. Çunke Rayberîye estbîyayîşê kurdan o.

Ma bi nê ruhî xo ver da, ma do xoverdayîşê xo geşêr bikerê, şarê xo reyde tecrîdî bişiknê, azadîya Rayberîye bîyarê ca. Ma pê bawer ê ke serra 24. ya esaretî do biba serra azadîya Rayberîye. Seba ney sey tepişteyan ma do mîyanê her şertan de zî xo ver bidê. Ma pê bawer ê ke partîya ma PKK û şarê ma, na serre bikerê serra xoverdayîşê hemle û têkoşînî. Safhaya peyêne ya hemleya 'Wext Wextê Azadîye yo' de ma pê bawer ê ke ma do Rayberîye, şar û embazanê xo reyde kom bibê.''