Tepişte Abdulkadîr Kudayo ke rixmê nêweşîyanê xo zî vera nêdîyayêne Zîndanê Metrîsî de dinyaya xo bedilnaye.

Birayê ey Salîh Kudayî ard ziwan ke kekê ci serê sibayî dinyaya xo bedilnaya û ê seba cenaza bigêrê kewtê rayîrî.

Avûkat Tahîr Demîrcîyo ke 17ê êlule de zîndan de Kuday zîyaret kerdo, hişyar kerbdi ke rewşa Kudayî hol nîya û ganî cade vera bidîyo.

Kuday 10ê temmuza 2023yî de zî krîzê qelbî vîyartbi. Avûkatan seba Kudayî muracatê efûya Serekkomarîye zî kerdbî.

3yê êlule de DEM Partî waştbi ke wa Kuday û tepişteyê nêweşî yê bînî vera bidîyê.

Abdulkadîr Kuday Mêrdîn de, 2014 de tepişîyabi. Kuday rixmo ke delîlê qîmî çin bîyê îdîaya 'xerakerdişê yewî û yewparetîya dewlete' û 'kiştişê merdiman' ra amebi muhakemekerdene.