Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. Grevê vêşanîye roja 40. de dewam keno û tepişteyî vanê heta tecrîd biqedo ê do çalakîyanê xo dewam kenê.

Çalakîya grevê vêşanîye de koma 8. de ya.

Grevî ra dima zîndanan de teda, sereştiş, cezayê dîsîplînî zêdîyayî.

Grev vila beno

Hetê bînî ra grevê vêşanîye yo ke vera tecrîdê Îmraliyî Kampa Şehîd Rûstem Cûdîyî ya Mexmûrî de hetê Keyeyanê Şehîdan ra dîya destpêkerdene roja 19. de dewam keno.

Kampa Lavrioyî ya Yunanîstanî de zî kurdan dest pê grevê vêşanîye kerd.

Ewropa de zî rayberîya TCŞ, TJK-E û Merkezê Kulturê Kurdîstanî de komê bi 8 kesan grevê vêşanîye kenê.

Tepişteyê dewaya MLKPyî zî do 7ê çeleyî de seba paştdayîşî dest pê grevê vêşanîye yê 5 rojan bikerê.