Nameyê tepişteyanê PAJK û PKKyî ser o Denîze Kaya derheqê hêrişanê vera Rojawanî de eşkerayîyêke daye. Eşkerayîye wina ya:

''Şarê ma yê Rojawanî qerardar o ke dewkewteyanê azadîye bipawo. Ma xoverdayîşê destanwarî yê şarê Rojawanî û embazanê xo yê cepheyan selam kenê. Ça de beno wa bibo ma do perwerîya xo ya bi embazanê yê şehîdan anê ziwanî û xoverdayîşê şarê xo rê serkewtiş wazenê.

Felsefeya azadîye ya Rayber Apoyî seba şaranê Rojhelatê Mîyanênî hêvîye afernaye û na Şorişê Rojawanî rê bîye îlham. Şorişê Rojawanî bi tacê serkewtişî yê têkoşînê ma yê 40 serran. Serkewtişê Rojawanî pêl bi pêlî vila bi û wayîrê karakterêkê winayênî ke pêro dinya rê tesîr kenı. Xora modernîteya kapîtalîste zî ney ra tersena. Kapîtalîzmî hêverî çeteyê sey DAÎŞî şuxilnayî û waşt ke wina şorişî çin bikerê. Şexsê DAÎŞî de hêzê qirkerî ameyî binvistene.

Dima ke rejîmê Baasî yê Sûrîye rijîya dewleta tirke ya kolonyalîste xo rê firsend dî û dest bi hêrişan kerd. Pawitişê şorişî erkê ma yo esas o. Şarê ma do Şerê Dinya yê 3inî de bi destkewteyanê xo sehneyê dinya de cagêno. Roje roja pawitişê yewîye, xoverdayîş, pawitişê şorişî û wayîrvejîyayîşê felsefeya azadîye ya Rayber Apoyî ya.

Sey tepişteyan ma amade yê ke seba şarê xo yê rûmetênî her çî bikerê. Ma venga ciwananê fedayîyan ê Rayber Apoyî û şarê xo yê welatperwerî danê ke wayîrê Şorişê Rojawanî vejîyê. Ma her cayî bikerê warê xoverdayîşî û serewedaritişan pîlêr bikerê. Ma pawitişê Şorişê Rojawanî selam kenê û hêzanê îşxalker û kolonyalîstan zî lanet kenê.''