Anqara, Îstanbul û Îzmîr de bi eşekrayîyanê çapemenîye yê onleine bale ameye antene serê rewşa tepişteyan ser.

Îstanbul de eşkerayîya ke hetê ÎHDyî ra ameye dayene de bale ameye antene serê tepişteyê nêweşî Kemal Ozçelîkî ser ke rewşa ci giran a û ame vatene ke nêweşî nînê berdene revîr zî û hewceyê înan ê esasî nînê caardene. Reyna ame vîrardene ke dewlete bi bahaneyê janê Korona tepişteyî mergî rê caverdayî û ame waştene ke wa cade astengîye verê tepişteyan bêrê wedaritene. Wa înfazê înan bêro peyde eştene ya zî bêrê tehlîyekerdene.

Eşkerayîya Anqara de zî bale ameye antene rewşa girane ya tepişteyê nêweşî Resrul Kocaturkî ser  ame vatene ke nêweşî nînê noktrolkerdene û dermanenê verênan şuxulnenê. Eşkerayîye de ame waştene ke wa tepişteyê nêweşî keyeyê xo de şertanê weşîye de bêrê tedawîkerdene.

Kombîyayîşê çapemenîye yê Îzmîrî de bale ameye antene rewşa tepişteyê nêweşî Ahmet Silikî (76) ser. Eşkerayîye de ame vatene ke caardişê zîndanan rûh û bedenê tepişteyan tehdît kenê û ame vatene ke Siliko ke verê zîndanî felç bibi nika nêeşkeno parya şiro û reyna nêweşîya Alzheimîrî zî dest pêkerdo. Coka ganî cade serbest bêro veradayene.