Zîndanê Bodrumî de 40 tepişteyan bi mektubanê xo pare kerd ke heqê înan yenê binpaykerdene. Tepişteyan mektubanê xo de îfade kerd ke ê yenê tecrîdkerdene, xizmetê weşîye bi qîmî nênê dayene û cezayê keyfîyî dîyenê nînan.

Tepişteyan da zanayene ke vera tepişteyanê polîtîkan seke Zîndanê Îmraliyî de vera Rayberê Şarê Kurdî Abdullah Ocalanî yeno kerdene ''Rejîmêko taybet'' yeno caardene.

Tepişteyan dîyar kerd ke 12 tepişteyî hucreyê yewkesî de manenbê û 24 saetan bi kamerayan yenê teqîbkerdene.

Tepişteyan vat ke waştişnameyî nênê wendene, tehlîyeyî yenê astengkerdene.

Tepişteyan vat ke înfazê nê tepişteyan ameyê vêşnayene: ''Abdurrahman Yildirim, Adem Amaç, Harun Pala û Harun Kaya.'' 

Zîndan de êlule de 17 tepişteyan rê zî cezaya qedexeyê têkilîye ameye dayene. 

Tepişteyan vat ke îdare û sergardîyanî bêusûlîye kerda û ê nika kenê ke bi tedayanê vera tepişteyan sereyê bêusûlîya xo bigêrê.

Tepişteyan venga raya umûmîye da ke derheqê babete de hîsger biba.