Zîndanê Amedî de tepişteyo nêweş Selahattîn Genço ke 29 serrî yo zîndan de bi, 16ê sibate de felç bi û wedarîya nêweşxaneyî. Genç dima reyna erşawîya zîndanî.

Cinîya Gençî Ayşe Genç waşt ke wa mêrdeyê ci bêro veradayene. Ayşe Gen da zanayene ke mêrdeyê ci verî anjîyo bîyo, tede îltîhabê cigêrî, bronşît û astim estê.

Ayşe Genç vat: ''Mêrdeyê mi zîndananê Xarpêt, Mîdyat, Kirikkale, Şirnex û Rîze de tepişîyabi. Nêweşîyanê xo ra çend reyî amelîyat bi. Dima cigêrê ci îltîhab girewt. Seba ke rewşa ci bîya giranêr felç bi. Pêvînayîşê ma yê peyênî de o zor rayîr a şîyêne, dest û lingê ci recifîyayêne. Felçî ra verî zî o nêeşkayêne hewcedarîyanê xo peyda bikero. 

Ma wazenê wa o vera bidîyo. Ganî merdimo winasên nêweşxane de tedawî bivîno. La o têna 2 rojan nêweşxane de mend.''