Zîndanê Bi Asayîşê Berzî yê Kirşehîrî de Îsmaîl Tuzun rixmê nêweşîyanê xo yê giranan 10 rojî yo hucre de tepişîyeno.

Tuzuno ke 20 serrî yo zîndan de yo, 8ê adare de Zîndanê Kurkçulerî ra surgunê Kirşehîrî amebi kerdene. Tuzunî rê Zîndanê Kirşehîrî de cigêrayîşo teze û cigêrayîşê zereyê fekî ameybî ferzkerdene. Tuzunî seba ke nê ferzkerdişî qebul nêkerdbî gardîyanan o derb kerdbi û eştbi hucreyê yewkesî. Tuzun rixmê nêweşîyanê xo yê giranan zî hucreyê yewkesî de tepişîyeno. Tuzun lîsteya tepişteyanê nêweşan a ÎHDyî de cagêno.

Keyeyê Tuzunî da zanayene ke ey de nêweşîyê fitiq, şeker, tumorê mîde û gurçikan est ê. Keyeyî venga rayaumûmîye da ke wa derheqê babete de hîsger biba.