Tepişteyo sîyasî Şefîk Esen  (36) o ke Zîndanê Tîpê Tyî yê Qefilnayeyî yê Bolvadînî yê Afyonî de ameyêne tepiştene, Nêweşxaneyê Unîversîteya Osmangazî yê Eskişehîrî de  de dinyaya xo bedilnaye ke 40 rojî yo ameyêne tedawîkerdene. Cenazaya Esenî Başpinarî ya Çînarê Amedî de ameye definkerdene.

Cenazaya Esenî verî ke bêro dayene qet tedbîrê tibbî nêameyî girewtene, birînê ci akerde teslîmê keyeyî bîyî. Gama ke cenaza nêweşxane de ameye kefenkerdene rixmê heme israranê babîyê ci birînê ci nêameyî qefilnayene. Cenaze hela ker resaye Warê Teyarayan ê Esenboga yê Anqara tabutî ra gonî rişîyayî û hetê personelê warê teyarayan ra bi naylonî ameye piştene.

Cenazaya Esenî Amed de hetê MED TUHAD-FED,TUHAY-DER,îdarekaranê DBP,DEM Partî yê Amedî, hemşaredarnê Çinarî Semra Akyuz û Mehmet Şerif Arzu ra ameye pêşwazîkerdene. Dima cenaza dewa Başpinarî de ameye definkerdene.

Esen 12ê sibate de rîyê parekerdişê medyaya sanale ra bi îdîaya ''propagandaya rêxistine'' qezaya Alaşehirî ya Manisa de amebi tepiştene.

Şefîk Esen zî sey xeylêk tepişteyanê nêweşan ê bînan rixmê nêweşîyanê xo yê giranan nêame tedawîkerdene û rixme heme muracatanê ci cezaya ci naêeye peyde eştene.Keyeyî Esenî ke îdareyê zîndanî şehadetê lajê xo ra berpirsîyar vîneno da zanayene ke do gereyê înan bikerê.

.