Tepişteyo nêweş Ridvan Yusufoglu pê îdîaya 'parçekerdişê yewîya dewlete' 29 serrî yo Zîndanê Agirî de tepişîyeno.

Yusufoglu de nêweşîyê ukser, varîs, fitiq, mîde ûsn. estê. Selahîyetdarê zîndanî derman nêdenê tepişteyî û waştişê ci yê sewqê Wan û Amedî ra cewab nêdanê. Pê bahaneya ke Agirî d ebeşê gastrolojî çin o Yusufoglu nêno dermankerdene.

Yusufogluyî pê rayîrê avûkatanê xo îfade kerd ke Korona ra wextêkê dergî ra nata o nêeşkeno şoro revîr û vat: ''Her ke şina revîr 14 rojan karantîna de manena. Nêweşîyê mi tehlukeyîn û krîtîk ê. Coka ganî cade ez bêra dermankerdene. La no îmkan Patnos de çin o.''