Îsa Gultekîn (67) nêweşê kanserî bi û rixmê nêweşî û serranê ci Zîndanê Tarsusî de ameyêne tepiştene. Gultekîno ke rixmê heme muracatan nêame vera dayene Nêweşxanê Dewlete yê Tarsusî de cuya xo vînî kerde.

Keyeyê Gultekînî  û Komeleya Heqanê Merdiman seba ke rewşa weşîya ci giran a hewteyo ravêrte veng dabi selahîyetdaran ke wa serbest bêro veradayene.

28 serrî verê cu Mehkemeya Asayîşî ya Dewlete ya Meletî  cezaya muebetî dayebî Gultekînî.

Gultekîno ke xeylêk nêweşîye ci bibî û tumorî pêro bedenê ci ra vila bibî tehlîyeya ci rê 18 mengî mendbî.

Cenazaya Gultekînî do Goristanê Bajarî yê Mersinî de bêro definkerdene.