Tepiştîya nêweş a 82 serrî Hanife Arslan Zîndanê Tîpê Tyî yê Wanî ra ameye tehlîyekerdene.

Bi îdîaya ''endamîya rêxistine'' cezaya 6 serran û 3 mengan dîyabî Hanife Arslan û bado ke ceza ameye tesdîqkerdene 2022 de amebî tepiştene. Hanife Arslan rixmê serran û nêweşîyanê ci nêameye tehlîyekerdene. Hanife Arslan bado ke wextê înfazê ci bi de ameye tehlîyekerdene.

Hanife Arslana ke hetê merdimanê xo ra verê zîndanî de ameyî pêşwazîkerdene vat: ''Wan hinî dayîkî mebermê. Wa bêrê zîndanan bêrê akerdene û heme embazê ma serbest bêrê veradayene. Pêro bîlasebeb zîndan de yê.''

Kênaya Hanife Arslan, Iran Çapa zî vat: ''Rixmo ke dayîka mi sûcdar nêbî bi serran sey sûcdare muamele dî û wexto ke ganî bi domanan û tornanê xo ravêrnayêne zîndanan de ravêrna.''