Edene û Meletî de polîsanê tirkan eşt zaf keyeyan ser û 8 kesî destbend kerdî.

Meletî polîsan de eşt zaf keyeyan ser û Hemsereka Verêne ya ESPyî ya Meletî Ayşe İşik, Îdarekara Komeleya Kulturî ya Pîr Sultan Abdalî (PSKD) Sayîme Tuncel, Hatîce Zengîn û namzeta parlamentera verêne ya HDPyî Betule Kurnaz Kiliç û endamê HDPyî Gule Dogan, Reyhane Bakir û Hatune Aydin destbend kerdî.

Edene de zî polîsan taxa Selahattîn Eyyubî ya qezaya Yuregîrî ya Edene de eşt keyeyê Ferhat Sezgînî ser û o destbend kerd. Polîsan dest na zaf kitabanê Sezgînî ser û Sezgîn berd Mudirîyetê Polîsan ê Edene.