Serdozgerîya Komare ya Amedî derheqê Newroza Amedî de ke 21 Adare de bi tewrbîyayîşê se hezaran kesan ame pîrozkerdene de bi bahaneye poster û beyraqê ke ameyî akerdene û sloganê ke ameyî eştene, bi îdîaya ''propagandaya rêxistine ameye kerdene'' cipêrsayîş da destpêkerdene.

Wextê dekewtişê warê Newroze û dimaya ci de xeylêk kesî bi derbkerdişî ameyî destbendkerdene ke mîyanê înan de domanê 11-12 serre û astendarî zî estê. 13 kesî hema Mudirîya Asayîşî ya Amedî de yenê tepiştene.

Reyna derheqê Hemserekê Pêroyî yê HDPyî Mîthat Sîncarî de zî seba qiseykerdişê ci yê Newroza Amedî hetê Serdozgerîya Komare ya Amedî ra cipêrsayîş dîya destpêkerdene.