Hemvervatoxanê Komîsyonê Şar û Bawerîyan ê DEM Partî Yuksele Mutlu û Mahfuz Guleryuzî bi wesîleya serrgêra Terteleyê Dêrsimî eşkerayîyêke daye. 

Eşkerayîye de dîya zanayene ke 4ê gulana 1937î de bi bira Heyetê Wezîran Terteleyê Dêrsimî dîyayo destpêkerdene û nê qirkerdişî de tewr tay 50 hezar kesî ameyê qetilkerdene. Eşkerayîye de ame vîrvistene ke dewleta tirke Koçgirî, Mereş û Roboskî de zî sey Dêrsimî qirkerdişî kerdê û faşîzmî rê dewam kerd. 

Eşkerayîye de wina ame vatene: ''Ewro Terteleyê Dêrsimî bi polîtîkayanê asîmîlasyonî dewam keno. Sere de Seyîd Riza û embazanê ci ma pêro qurbananê Terteleyê Dêrsimî bi rêz û minetî yad kenê. 

Ma do têkoşînê seba dîyayîşê kesanê vîndîbîyayeyan ver de sereyê xo anê war. Ma do wayîrê xoverdayîşê Seyîd Riza û şarê Dêrsimî yê tarîxîyî vejîyê. Ma sereyê xo nêard war û resayî nê rojan. Heta ke no qirkerdiş bêro roşnîkerdene, têkoşînê ma do dewam bikero.''