4ê Gulana 1937î qerarê Terteleyê Dêrsimî ame girewtene. Bi wesîleya na roje paytextê Îngîlîstanî London de qurbanê terteleyî bi aktîvîteyêke ameyî yadkerdene.

Aktîvîteya ke hetê Dêrsim-Derî ra Cemxane de ameye organîzekerdene sere de dezgehê elewîyan xeylêk kesî tewrê ci bîyî. Aktîvîte bi rêzgirewtişî dest pêkerd û dima derheqê terteleyî de sînevîzyon ame mojnayene û çîrayî ameyî tafînayene.

Sereka Dêrsim-Derî Songule Duzguna ke qiseykerdişê akerdişî kerd vat qirkerdiş ewro zî vera kurdan û elewîyan dewam keno.  Hemsereka BAFî Dileke Incedal zî vat tertele semedê  tirkkerdişê kizilbaşan ê kurdan ame kerdene û veng da ke wa terteleyî dir bêro têrî. Reyna qiseykerdoxanê bînan zî ard ziwan ke qirkerdişê dewleta tirke yê vera kurdan û elewîyan û bawerîyanê bînan ewro zî dewam kenê veng ke wa vera polîtîkaya înkar û îmhayî têkoşîno hempar bêro xurtkerdene.

Badê yadkerdişî hetê nuştox Erdal Gezik û Dr. Kumru Berfîn Emre ra derheqê terteleyî de panalêk ame dayene.