Rojawanê Musilî Til Efer de gorêko komkî dîya ke tira cenazayê 139 kesan ameyî vetene. Wina fikirîyeno ke nê kesî hetê DAÎŞî ra ameyê qetilkerdene. Selahîyetdaranê hukmatê Iraqî bi eşkerayîyêke da zanayene ke gorê komkîyî de hema çend cenazayî est ê. Cigêrayîşê cenazayanê bînan dewam kenê. 

Şahidan pare kerd ke nê cenazayî aîdê êzidî, tirkmenan û personelanê asayîşî yê Mûsilî yê.

Weqda Şehîdan a Iraqî ra Ahmed Esadîyî da zanayene ke qurbanî defin nêbîyê, erzîyayê çalanê bi xorinîya 12-42 metreyan. Esadîyî pê hesna ke qurbanan ra sereyê tayênan birîyayê û ê bînî zî bi çeke kişîyayê.

Cenazayî seba testê DNA ameyî berdene bi dezgehanê tipî. No goro komkî 2017 de amebi dîyene la na gulane de seba vetişê cenazayan xebatî dîyabî destpêkerdene.