Seba ke PKK lîsteya terorî ya Yewîya Ewropa ra bêra vetene welatanê Ewropa de kampanyaya îmzayan dewam kena. Kibris de serkêşîya Meclîsê Şarê Kurdî yê  Kibrisî de karê kampanya yeno kerdene. Kurdîstanijî çarçeweya kampanya de  bi fedakarî xebitîyenê. Îsmet Tîmurturkan zî nînan ra yew o.

Îsmet Tîmurturkan rixmê nêweşîya xo ya kanserî zî seba kampanya xebitîyeno. Tîmurturkano ke babîyê hewt domanan o, hertim serê sibayî ra heta şanî kuçeyanê şaristanê Limasolî de, taxe, bazar, qewexane û festîvalan de û şaristananê bînan ê Kibrisî de îmzayan arê dano.

Îsmet Tîmurturkanî yewşeme qeraxê Moloz Parke de îmzayî arê dayî û ey heta nika 21 hezar û 230 îmzayî arê dayî. Meseleyê weşîye ge ge zor bidê ci zî o qetî xebata xo ra fek vera nêdano û bi kelecanêkê pîlî xebata xo rê dewam keno.

Îsmet Tîmurturkanî vat: ''Mi heta nika 21 hezar û 230 îmzayî arê dayî. Ez pê ney nêmanena. Wexto ke mi dest pêkerd, mi xo rê armancêk dîyar kerd. Rayraşîyayîşê serê rêçê Rayber Apoyî û PKKyî erko tewr rûmetên ê dinya yo. Coka heta ke ez payra biba ez do îmzayan arê bida.''