Meclîsê Asayîşê Kar û Weşîye yê Karkeran (ÎSÎG) bi raporêkî eşkera kerd ke mîyanê menga çeleyî de tewr tay 111 karkeran qirkerdişanê karî de dinyaya xo bedilnaye.

Nînan ra 100 karkerî bi meaşî, 11 karkerî zî bi yewmîye xebitîyayêne.

Goreyê raporî nê karkerî zêdêr karanê înşaat, rayîr, metal, bazirganîye, buro, perwerde, weşîne, şaredarîye, karanê pêroyîyan, daristan, zîret, madenkarî, kîmya, tekstîl, enerjî û asayîşî de xebitîyayêne.

Goreyê raporî serebûtê mergî tewr zaf Îstanbul (14), Kocaelî (12), Îzmîr (8) û Denîzlî (7) de qewimîyayî.