Têgêrayîşê Cinîyan ê Kurdan ê Ewropa (TJK-E) semedê mîtîngê Strasbourgî ya ke do 15ê nîsane de semedê azadîya Rayberê Şarê Kurdî Abdullah Ocalanî bêra kerdene, veng da.

Eşkerayîye de ame vîrardene ke dewleta tirke ya ke bi serran o kena ke bi polîtîkayanê şerê kurdî çîn bikero, 3 serrî y bi tecrîdê girankerdeyî destûr nêdana Abdullah Ocalan keye û avûkatanê xo reyde pêvînayîş bikero ame vatene ke îqtîdaro faşîsto ke têkoşînê kurdan ra terseno bi tecrîdî keno ke kurdan Rayberê ci ra raqilno la ê se kenê wa bikerî no mumkun nîyo.

TJK- E bale ante Hemleya Azadîye ser û vat: ''Ewro felsefeya Jin, jiyan azadîye her hetê dinya ra vila bîya û xoverdayîşê cinîyan ê kurdan tarîxî de cayê xo grewt.  Cinîyî her ca de anê ziwanê  ke ê dinyaya bi ê Rayberîye qebul nêkenê û bi slogana Azadîya Rayber Apoyî azadîya ma ya kompoloyê mîyannteweyîyî û tecrîdî betal kenê.

15ê nîsane de reyna kurdî û dostê înan do serkêşîya cinîyan de verê Konseya Ewropa û CPTyî de bêrê têhet û wezîfeyê înan bifînê vîrê înan. Semedê wayîrvejîyayîşê hemle û vervejîyayîşê polîtîkayanê îmha û îşxalî ma veng danê şarê xo yê welatperwerî û dostanê xo wa paştdayîşî pîlêr bikerê.''