Wekîlê HDPyî yê Dîlokî Mahmut Togrulî derheqê hêrişanê vera HDPyî de ANFyî reyde qisey kerd û îfade kerd ke kurdî hînî nê hêrişan ra zaf acîz ê.

Togrulî vist vîrî ke tedaya vera HDPyî weçînayîşê 7ê hezîrana 2015î ra dima dest pêkerd û vat: ''Nê hêrişî zêdîyayî. Şarê ma zî zaneno ke seba ke îqtîdar hende teng bîyo hêrişê partîya ma keno. Şarê ma coka zaf hêrsbîyaye yo, ecîz o. Çunke nê hêrişî vera îrade û rûmetê ma ameyî kerdene. Şar xo ver dano, her ca ra vengê nêrazîbîyayîşan yenê. Şar ma rê vano ke îqtîdar pê zorbazîye payan ser o vindeno.  Teda her kesî ra verî, vera kurdan yena kerdene la reyna zî pêro beşê komelî rastê na teda yenê. Coka nê pêro beşî hedefê îqtîdarî de yê.  Coka pêro beşê komelî, bawermendê cîyayî, kulturê cîyayî temsîlîyetê xo mîyanê HDPyî de vînenê. No zî hêzê partîya ma yo e bernameyê ma yê sîyasîyî xurtêr keno.''