Hêrişê îşxalî yê dewleta tirke yê vera Başûrê Kurdîstanî dewam kenê. Na çarçewa de sewqîyatê leşkerî dewam kenê. Dewleta tirke seba ke vera caardişê ci yê îhlaqî nêrazbîyayîş mevejîyo, çîyo ke destê ci ra yeno kena û heme medyaya xo ya şerê taybetî fînaya dewre.

Her roje seba ke operasyonê dewleta tirke bêrê meşrûkerdene û PKK sey sûcdarî bêro ramojnayene weşan yeno kerdene. Nînan ra yew zî TRT Haber de ame kerdene. Dîrektoranê Polîtîkaya Teberî ya SETA ra Can Acuno ke tewrê TRT Haberî bi, derheqê hêrişê îşxalî yê dewleta tirke yê vera Başûrê Kurdîstanî de zanayîş da.  Qiseykerdiş de qismê PDKyî bi rojdem.

Acunî ard ziwan ke leşkerê tirkan pîya bi hêzanê taybetan ê PDKyî  waranê îşxalî de û sere de Garê qala hêrişanê îşxalî kerd ke xeylêk waranê Herêmanê Pawitişî yê Medya  de yenê rayraberdene.

Acunî vat: ''Nika artêşa tirke aver şina, pêşmergeyî zî dahîna zaaf paştdayîşê lojîstîkî danê ma'' û îtîraf kerd kerd ke PDK dewan keno veng.

PDK tim PKKyî sûcdar keno.La erjnayîşê Acunî de yeno vînayene ke operasyonanê îşxal û îlhakî yê vera Kurdîstanî de kam ça de  û çend ca geno.