TUÎK keno nêkeno nêeşkeno rijîyayîşî mîyan bikero
TUÎKo ke binê sîwana îqtîdarî de yo, pare kerd ke enflasyon resayo se ra 48.69. La goreyê ENAGî enflasyon se ra 114.87 o.
Dezgehê Îstatîstîkan ê Tirkîya (TUÎK)o ke binê îqtîdarê AKP-MHPyî de yo, da zanayene ke enflasyonê serfkaran çele de bi se ra 48.69. Bi nê hawayî enflasyon nîsana 2002î ra nata resa asta tewr berze.
Goreyê Koma Cigêrayîşî ya Enflasyonî (ENAG)o ke dezgehêko xoser o, enflasyono mengane se ra 15.52 ra resayo se ra 114.87.
Yeno zanayene ke îqtîdarê AKMHPyî seba ke rijîyayîşê ekonomî mîyan bikero enflasyon pê destê TUÎKî kêm mojneno.
