Rêxistina DEM PArtî bi beşdarîya Hemsereka Pêroyî Tulaye Hatîmogullari rêxistinanê komelê sivîlî de ameye têhet.

Hatîmogullarîye kombîyayîş de qisey kerd û vat: ''Netîceyê weçînayîşanê herêmîyan do tesîrê pîlî hukmatê merkezî bikerê. Ganî ma seba bernameyê ekonomî yê edîlaneyî têkoşîn bikerê. Krîzo ekonomîk vera vera beno giranêr. Ma sey DEM Partî seba her kesî edalet û têdûştîye wazenê.''

Tulaye Hatîmogullari bale ante weçînayîşanê herêmîyan ser û vat: ''Qeyûmî îdareyê faşîstî yê. Qeyûmî yenê manaya binpaykerdişê heqan. Perspektîfê ma bi pêkerdişê şaristanê îdarekerdişê herêmî yo. Ma wazenê welat bi ferasetêkê ekolojîk û demokratîkî îdare bibo Heta ke meseleya kurdan çareser nêba qet yew mesele çareser nêbena. Seba haştî, aramî û edaletî rayîrê ma rayîro  hîrêyîn o. Ma nêwazenê teyna weçînayîşan qezenç bikerê. Ma wazenê demokrasîyî qezenç bikerê. Bi serkewtişê weçînayîşab seba awankerdişê komarêka demokratîke gamêka  girînge ma do bierzê. No zî pabesteyê ruhê şima yê paştdayîşî yo.''